Segurtasun Saileko informazio iturriek azaldu dutenzez istripua 20:15ean gertatu zen, N-634 errepidean, Bilborako norabidean. Auto bik elkar jo zuten, eta hiru pertsona zauritu ziren. Suhiltzaileek barruan harrapatuta geraturiko zaurituetako bat atera behar izan zuen ibilgailuetako batetik. Zaurituak ospitalera eraman zituzten: bi, Galdakaoko ospitalera; hirugarrena, Gurutzetakora. Ertzaintzak trafikoan esku behar izan zuen, ibilgailuen joan-etorria txandakatuz. Trafikoa 22:40ean bueltatu zen bere onera.
