Korrika Zornotzan sartu baino ordu batzuk lehenako ika-mika sortu da osoko bilkuran. AEK-ko kideak bertaratu egin dira brigadak Korrikako kilometroen markagailuak zergaitik kendu dituen galdetzeko. Ainhoa Salterain alkateak azaldu duenez, herrian gai hori arautzen duen ordenantza bat dago, eta horren arabera baimena eskatu beharra dago. Brigadak "beste edozein kasutan legez" jokatu duela argitu du alkateak. Hala ere, ez dela Korrikaren kontrako erabaki bat izan nabarmendu du Salterainek.
EH Bilduk bere sare sozialen udalak kartelak erretiratu izana kritikatu du: "EH Bilduk salatu nahi du Udal Gobernua Korrika oztopatzen saiatzen ari dela herritik igaro behar den egunean bertan, baita AEK-ko langileen ezinbesteko lana bikoiztu ere", azaldu du EH Bilduk.