Zornotzako Urritxe institutuaren alboan eraikin berri bat eraikiko dute. Bertan DBHko eta Batxilergoko etapak landuko dira. Hezkuntza Saila lanean dabil arkitektura-azterlana egin ahal izateko, eta, horretarako, kontratazio orriak idazten ari da.
Eraikin berria egiten duten bitartean, oraingo institutua erabiliko da eta berria bukatutakoan, zaharra botako dute. Lanbide Heziketako zikloek gaur egungo kokapen berean jarraituko dute.