Bestalde, Zornotza "nortasun propioa" duen herria dela adierazi du Salterainek, eta horren adibide modura ipini du Frantziako Tourra. "Etengabe hobetzeko bidean jarraituko dugu, Zornotza bizitzeko lekurik onena izan dadin", gaineratu du. Zornotza herri "dinamikoagoa" eta "iraunkorragoa" izango dela azaldu du Karmen eta Betarragane lotuko dituen bideari eskerrak. Azkenik, Salterainek azpimarratu du EAJren hauteskunde programa herritarren parte hartzearekin gauzatu dela, Arkalaz foro parte hartzaileari eskerrak, besteak beste.