Zornotzako Udalak herrian Hitanoa landu eta berreskuratzeko bidea abiatu zuen 2022ko otsailean. Parte hartzera animatu zirenek, zortzi saio teoriko hartu zituzten hitanoaren oinarriak lantzeko helburuarekin.
Orduko harrera ona ikusita, 2022-2023 ikasturte berriari begira beste talde bat sortu zen, Noka taldea. Emakumeei zuzentzeko lagunarteko hizkera da Noka. "Kinka larrian" dagoen hizkerari bultzada bat eman gura dio lan taldeak. Udaletik dei egin diete herritarrei orokorrean, eta gazteei bereziki, gerturatu eta parte hartzeko. "Aste birik behin elkartzen dira, eta kide berrien zain daude taldea handitzeko”. Ekimenaren gaineko informazio gehiago udaleko euskara zerbitzuan eskuratu daiteke: euskara@amorebieta.eus