Udal eta foru hauteskundeak

Zornotzako EH Bilduren mahai politikoak Ander Uriarte proposatu du udal hauteskundeen zerrendaburu izateko

Anboto 2022ko aza. 15a, 12:12
Uriarte, 2019ko udal hauteskundeetako ekitaldi batean.

Zornotzako EH Bilduren mahai politikoak egin du proposamena, baina Uriarteren hautagaitza koalizioaren oinarri sozialak onetsi beharko du abenduaren 1etik 3ra egingo den bozketan. Beste hautagairik aurkezten ez bada, Uriarte izango da Zornotzako EH Bilduren alkategaia modu definitiboan.

Zornotzako EH Bilduk hauteskundeetarako hautagaiak aurkezteko epea zabaldu zuen atzo. Mahai politikoak Ander Uriarte Pujana proposatu du udal hauteskundeetarako zerrendaburu modura, baina proposamen hori ez dago itxita. Koalizioak zabalik dauka-eta hautagai gehiago aurkezteko epea. Abenduaren 1etik 3ra Uriarteren aukera berresteko barne-bozketa bat egingo dute, eta bertara beste hautagairik aurkezten ez bada, Uriarte bera izango da behin-betiko zerrendaburua. Aldiz, barne-bozketara beste baten bat aurkezten bada, hautagaien arteko bozketa berri bat egin beharko dute abenduaren 15etik 17ra. 

Ander Uriarte Zornotzako Lanbide Heziketa zentroko irakaslea da eta EH Bilduren zinegotzia izan da azken zortzi urteotan. Koalizioak "udaletxeko ardurak ondo" ezagutzen dituela dio, eta kaleko lana zer den "inork baino hobeto" dakiela iritzi dio. Herriko komertzioekin eta "auzorik auzo" egindako lanak ipini dituzte horren adibide modura.  

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!