EAJk prentsa ohar bidez jakitera eman duenez, Andoni Agirrebeitia ez da hurrengo udal hauteskundeetara aurkeztuko. Horrela azaldu die Agirrebeitiak berak alderdikideei gaur egindako batzarrean. "Alderdiari eskerrak eman gura dizkiot, baita urte hauetan ondoan izan ditudan alderdikidei. Eta nola ez, zornotzarrei; momentu zailetan laguntzeagatik. Herri honetako alkatea izatea ohore bat da. Eskerrik asko bihotzez", esan du Agirrebeitiak.
Agirrebeitiak 16 urte egingo ditu Zornotzako Udalean. Azken bi legegintzaldietan Zornotzako alkatea izan da, eta aurretik beste zortzi urtez zinegotzi lez egon zen.
Bestalde, EAJk jakitera eman du hautagai berria aukeratzeko prozesua martxan jarriko dutela eta ekain amaierarako hautagaia izatea espero dutela.