Ordezkari sindikal ohi baten kaleratzea salatu du LAB sindikatuak

Dozenaka lagun bildu ziren atzo, Zornotzako Adakar enpresaren aurrean, kaleratzearen aurka protesta egiteko. 

Ordezkari ohia diziplinazko kaleratze baten bidez bota dute LAB sindikatuaren arabera: "oinarririk gabeko kaleratzea izan da, lan sindikala egiteagatik. Badakite LAB bezalako sindikatu batek egoera aldatzeko lan egingo duela, eta ez dute nahi". Sindikatuaren arabera, lau urteko ordezkari lana bukatuta kaleratu dute, "urte bateko babesa amaitu zaionean".

Elkarretaratzean LABeko kide bat identifikatu zutela ere salatu du sindikatuak. Urriaren 27rako beste kontzentrazio batera deitu du LABek. Bilboko epaitegi aurrean egingo dute protesta, 12:15ean.  

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.