Goizeko 05:50ean gertatu da istripua. BMW 5330 batek eta Renault Megane Scenic batek talka egin dute. Oraindik argitu gabe daude istripuaren arrazoiak, Ertzaintzak azaldu duenez. Istripuaren eraginez bi gidariak auto barruan harrapatuta geratu dira eta suhiltzaileen laguntza behar izan dute ateratzeko.
Ertzaintzaren eta Larrialdietako Zerbitzuaren hainbat baliabide berehala hurbildu dira istripua gertatu den lekura, baina BMW autoaren gidaria hil egin da zauri larrien ondorioz. 25 urteko zornotzarra Bizkaiko Auzitegiko Patologia Zerbitzura eraman dute epailearen aginduz. Istripua izan duen beste autoaren gidaria, 52 urtekoa eta Bilboko bizilaguna, Galdakaoko ospitalera eraman behar izan dute larri zaurituta.
Ertzaintzak, bestalde, ikerketa jarri du abian gertatutakoa argitzeko.