Zornotzako Izar enpresa, bide luze baten urteurrena

Joseba Derteano 2019ko uzt. 17a, 13:04

Zornotzako Izar Cutting Tools enpresa ospakizunetan murgilduta dabil aurten, nazioartera zabaldu zenetik 50 urte bete direnean. Baina data horren aurretik ere historia luzea du Izar-ek, 1910ean sortu zutelako. Atal honetako argazkia da horren adibide: 1950eko hamarkadan atera zuten, orduko langile eta arduradunekin, enpresaren kanpoaldean. 

Hamarkada hartan, enpresak hazten jarraitu zuen eta, besteak beste, matxurak konpontzeko lantegi mekanikoa handitu eta kalitate-kontrolerako sistema ipini zuten, mendeurrenaren harira kaleratutako Izar, Berrikuntza industrialeko 100 urte Bizkaian liburuak jasotzen duenez. 

Izar-en hazkunderik handiena 1969tik aurrera izan zen. Urte hartan zabaldu zion atea nazioarteari, Beltracy enpresa belgikarraren eskutik. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!