Denboraleak prezipitazio gehien utzi duen herrietako bat izan da Zornotza. 16:20an Euskalmetek jasotako datuaren arabera, 10 minuturen buruan 9 litro bota ditu metro karratuko. Jon Bastante nekazariaren baserrian, esaterako, larritu egin dira txingorra hasi denean. "Landaketa guztiak ondo ikustean lasaitu egin gara. Gainera, gaur, 1.000 azaki landatu ditugu", esan du Bastantek. Beraz, kalte handitik libratu dira zorionez.