Greban zehar enpresak "beste langile batzuk kontratatu" zituen grebalariak ordezteko eta hori debekaturik dagoela salatu du ELAk. Egintza “larri” horren kontrako salaketa jarri zuen sindikatuak. Orain jakinarazi duenez, EAEko Auzitegi Nagusiak salaketa onetsi du. “Enpresako zuzendaritzaren jokabidea greba-eskubidea urratzea izan zela deklaratu du. Hortaz, enpresaren jokabidea deuseza deklaratu du, enpresaren jokabide horrekin amaitzera hertsatu, eta kalte-ordaina sindikatuari eta langile grebalariei ematera kondenatu”, informatu dute ohar baten bidez.
Zehazki, EAEko Auzitegi Nagusiak 16.179,15 euroko kalte-ordaina abonatzera behartzen du Orue Egoitza.