Gaur egun Bizkaiko eta Gipuzkoako 40 enpresa dira Adisbask-eko bazkide, eta epe laburrean Arabako enpresak ere batzea du helburu nagusietako bat. Horregatik erabaki dute egoitza Zornotzara ekartzea. “Geografikoki ondo kokatuta dago hiru lurraldeak ordezkatzeko, eta gure filosofiagaz bat dator”, azaldu du Adisbask-eko presidente Josean Sanchok.
Adisbask-ek datozen urteei begira duen erronka nagusietako bat sektoreko enpresetako ibilgailuak erregai alternatiboen etorrerara prestatzea da.