Andoni Aizpuru izango da aurten Bizkaiko sagardoaren enbaxadorea

Andoni Aizpuru izango da aurten Bizkaiko sagardoaren enbaxadorea
Iaz Uxarten egindako aurkezpen ekitaldiko irudia. Aitzol Atutxa aizkolaria izan zen iazko enbaxadorea.

Datorren eguaztenean Zornotzako Uxarte sagardotegian 2017ko ekoizpenaren aurkezpena egingo dute.

Bizkaiko Sagardogileen Elkartea osatzen duten ekoizleek aurtengo sagardoaren berri emango dute datorren astean Uxarten eta sagardoa dastatzeko aukera egongo da. Jakinarazi dutenez, Andoni Aizpuru ETBko kazetari eta aurkezlea izango da aurtengo enbaxadorea. Erakundeetako askotariko ordezkariak batuko ditu aurkezpen ekitaldiak.