Txapelketak hainbat froga izango ditu. Infantil-kadeteak hasiko dira, gero alebin neska eta mutilak eta jarraian juvenil-juniorrak. Ondoren, 1,9 kilometrotako lasterketa paralinpikoa antolatuko dute bigarren urtez. Parte hartu gura duten gainerako korrikalariek 4,7 kilometrotako herri-lasterketan parte hartzeko aukera izango dute.
Emakumezko froga absolutoak 8,7 kilometro izango ditu eta gizonezkoak 10,7 kilometro. Gaur goizean ekimenaren bultzatzaileek prentsaurrekoan azaldu dutenez, Zornotzako belarrezko zirkuitotik nazioarteko eta estatu mailako atleta nabarmenenak pasatuko dira. Zirkuito hau atletismoaren arloan erreferente bihurtu da eta Europako Atletismo Federazioaren egutegian sartuta dago, baita Espainiako, Euskal Herriko eta Bizkaiko
Federazioarenean ere. Gainera, ANOC, Kros antolatzaileen estatu mailako elkartearen egutegian dago. Frogak, Kutxabanken, Bizkaiko Foru Aldundiaren, Eusko Jaurlaritzaren eta Zornotzako Udalarena laguntza du.
Nazioarteko kirolaririk onenak batuko dira Zornotzako Krosaren 63.edizioan, domekan
600 pertsona baino gehiagok parte hartuko dute Zornotzako Jauregibarriko zelaian, domekan jokatuko den Zornotzako Nazioarteko Krosaren 63.edizioan. Gaur goizean, Andoni Agirrebeitia Zornotzako alkateak, Juanjo Anderez Zornotza Kirol Klubaren ordezkariak eta Kutxabankeko ordezkariak prentsaurrekoa eman dute ekimenaren inguruko argibideak emateko.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!