Mozorro Eguna ospatuko dute, bestalde, zapatuan: elkarregaz bazkaltzeko elkartuko dira, lehenengo, eta Xaibor DJaren emanaldia izango da, ondoren. Iluntzean Labeleko hanburgesa eta oilaskoagaz afaltzeko aukera egongo da.
Domekako jai egitarauko ekitaldiak 12:00etako mezagaz hasiko dituzte. Arratsaldean, 18:30ean, Iurretako dantzarien eta Zornotzako bertsolari eskolakoen emanaldiak, eta antzerki saioa izango dira. Rezikletas Turukutupa taldeak eskainiko du musika eta antzezlana.
Astelehena izango da Eubako jaien azken eguna. 12:00etako mezaren osteko luntxa egingo dute eguerdian, eta hirukoteen arteko briska txapelketa jokatuko dute, 16:00etan. Jan-edanik ere ez da faltako; arratsaldean zehar urdai eta txorizoagaz taloak egongo dira eta jaiei amaiera emateko txokolatea banatuko dute.