Orain arte, aparkalekua 22:00ak arte zegoen zabalik, eta autoa bertan utziz gero, ezin zen hurrengo goizera arte handik atera. Bestalde, txandakako sistema 18:00ak arte murriztuko dute, eta horrela, ordu horretatik aurrera, epemuga barik utzi ahalko da kotxea. Domeketan ere, azoka amaituta, 15:00etatik aurrera librea izango da.
143 plazako aparkalekua da Ixerrekoa, 2014an zabaldutakoa. Andoni Agirrebeitiak azaldu du hasieran txandakako sistema egun osoz ezarri zutela, baina okupazioa aztertu eta gero, 18:00ak arte ipintzea erabaki dutela. Ordu horretatik aurrera, erosketak eta gestioak gutxitzen direla-eta, muga kentzea egoki ikusten dute. Gainera, "auzokideengan pentsatuta" ere hartu dute erabakia, etxe alboan bertan aparkatzea asko erraztuko zaielako.