Zornotzako Enplegu Bulego berriak badu egoitza berria San Migel kaleko 3. zenbakian. Hilabete eta erdiz lanak egiten aritu ondoren, ia dena prest dago zornotzarrei arreta emateko.
Zentro berriak erabilera anitzeko bost gune ditu, guztira 83 metro karraturekin. Sarreran harrera egongo da, gero hiru bulego itxi egongo dira erabiltzaileei arreta emateko eta bilera gela bat hainbat zereginetarako. Eraikuntza lanak amaitu ondoren, orain lokala egokitzea falta da. Zerbitzua maiatzean martxan hastea aurreikusten dute.
Enplegu bulego berriak helburu nagusi bi izango ditu. Batetik, herrian enplegu bila dabiltzanen eta enpresen arteko bitartekari lana egingo du eta, bestetik, zornotzarren artean ekintzailetza sustatuko du.