Goizaldeko 04:20an jazo da sutea Zornotzako Bizkargi kalean. Suhiltzaileek ez dakite zelan piztu dan sua. Auto baten sortu da, berau guztiz kiskali da, eta ondoan aparkatuta zeuden beste auto bi ere erre dira. Ondoko etxean ere kalteak egin ditu suak. Gertatutakoa argitzeko ikerketa-lanetan dabil Ertzaintza.
Suteak ez du kalte pertsonalik eragin eta ez dago zauriturik, baina auto horien alboan dagoen eraikin batean kalte materialak eragin ditu. Suhiltzaileak, udaltzainak eta Ertzaintza bertaratu dira eta berehala itzali dute autoetako sutea. Tokia inguratu egin dute prebentzio-neurri gisa.
