E-liburutegia da Eusko Jaurlaritzak liburu elektronikoak deskargatzeko ahalbidetu duen plataforma, editoreekin adostu ondoren (Amazon eta Kindlela izan ezik). Katalogoa egunetik egunera handituz doa eta deskargatu daitezkeen lanen kopurua gero eta handiagoa da. Honek guztiak baldintza bakarra eskatzen du: sarean dauden liburutegietako bateko bazkidea izatea eta sarrerako norbanako gakoa zein den jakitea. Ondoren, gailuak prestatzeko eta deskargak bideratzeko prozesu tekniko txiki bat eskatzen du. Prozesu hori zelan egin irakatsiko dute Zornotzako Udalak antolatutako tailerrean.