Andoni Agirrebeitia alkatearen berbetan, Memoriaren Eguna “ahalik adostasunik zabalenagaz” egin gura dute. Oinarri horretatik abiatuz, Zornotzan “bizikidetzaren esparruan urtero aurrerapusuak “ eman gura dituzte.
2013an EAJ, EH Bildu, PSE eta PPko legebiltzarkideek bakearen eta bizikidetzaren inguruan onartutako puntua gogoratu eta bere egin du alkateak. Akordioak honakoa zihoen: ‘Bakeak eta bizikidetzak biolentziaren injustiziaren eta hark eragindako minaren errekonozimendua, eta biktimen duintasuna eskatzen dute; horiek denek [biktimek] egiaren eta justiziaren eskubidea merezi dute’.