Kontu legalak tartean daudenean, “ez diogu harretaz jokatu behar ez denik gauzak publikoki esaterako orduan” azaldu du Isuskizak “baina lanak geldituta daudela edo beste hainbat konturi buruz informatu daiteke”. Jokabide hori Aldundiko Ekonomia eta Lurralde Garapenerako departamentuaren “opakutasunaren beste adibide bat da”.
Pradalesen berbetan ez dute proiektu berri bat onartu, aurrekoaren jarraipen bat baizik. Ondorioz, ez dute ingurumenaren inguruko azterketa berririk egin behar. Horrek, “kezka” eragiten dio EH Bilduri: “Guk gure zalantzak ditugu eta gai hau sakontasunez eta arduraz aztertuko dugu. 25 hileko atzerapen batek atzetik izan ditzakeen eraginak aldez aurretik aztertu gura ditugu”.
