Pasabideak zazpi metroko kota gainditzen du, irisgarritasunaren inguruko araudia beteaz. Luzera, guztira, 80 metro ingurukoa da, eta bitartean sei pausagune egokitu dira. Trenbidearekiko paraleloa da eta beheko plazaren eta Sabino Arana kalerako irekigune berriaren arteko lotunea osatzen du. Inguruetako urbanizazioetan daudenen moduko bost farola ezarri dira 320 metro karratuko azalera duen toki horretan. Sabino Arana kaleko espaloiaren atal batean, irispide berritik zebra-bidera bitartekoan hain zuzen, baldosak jartzeko ere aprobetxatu dira lanok.