Zornotzako jaiak 2015

'Kantugiro' karaoke saioa Zornotzako abeslari onenaren bila ibiliko da jaietan

Anboto 2015ko uzt. 13a, 12:23

Uda sasoian Euskal Herriko jaiak bisitatzen dabil 'Kantugiro' saioa. Bariku honetan, uztailak 17, Zornotzako jaietan izango da. Karaokean parte hartu gura duenak izena eman dezake 626  181 417 telefono zenbakiaren bidez, edo kantugiro@eitb.eus helbidera idatzita.

Zuriñe Hidalgok eta Xabin Fernandezek ETB1en gidatzen duten Kantugiro saioak Zornotzan geldialdia egingo du, Karmen jaietan. Lesakan, Hernanin, Lekeition eta Zumarragan egon ostean, uztailaren 17an, zornotzarrek kantuan egiteko duten sena erakusteko aukera izango dute. Euskal Herriko karaokerik handiena udaletxe pareko plazan atonduko dute datorren asteko barikuan, 17:00etatik aurrera. Saioaren arduradunek jakinarazi dutenez, “Durangaldeko saltsero eta abeslarien bila gabiltza, karaokean parte hartzeko”. Abeslaririk onenak 200 euroko saria eramango du etxera.

Izen-ematea
Izena eman gura dutenek whatsapp bat bidali behar dute 626 181 417 telefono zenbakira, edo mezu bat kantugiro@eitb.eus helbide elektronikora.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!