Laguntzeko bi modu daude. Batetik, egunotan, tabernetan ipinita dauden bilguneetara eraman daiteke janaria; bestetik, jaialdiko lehiaketetarako izen-ematea kilo bat janariren truke egin ahalko da.
Barikuan, 19:00etan, Iñaki Perurena harri-jasotzaile ohi ezagunak botako du jaiei hasiera emango dien txupinazioa, eta pregoia ere irakurriko du. Domekan, 12:00etan, Andra Mari plazan izango diren herri kiroletako sariak ere berak banatuko ditu.
Ekimenez betetako hiru egun izango dira. Gainera, herriko musika taldeek Topagune Music Festa txapelketan parte hartuko dute; sari banaketa zapatuan egingo dute, 23:00etan. Zapatu goizean, Korrika Solidarioa egingo dute Luxury eta Hogan’s tabernen inguruan (4,5 km). Domeka goizean, herriko dendek merkatu bat jarriko dute toki berean.
Egitaraua:
Apirilak 24, barikua
19:00 Txupinazoa eta pregoia Iñaki Perurenaren eskutik, Luxury-Hogans plazan. Kalejira eta buruhandiak
19:30 Topagune Music Fest jaialdia, Andra Marin
Apirilak 25. zapatua
09:00 Zikloturisten ibilbidea. Bizikleta bat zozketatuko da.
09:30 Andra Marin tortilen txaplketarako aulkiak eta mahaiak banatuko dira
11:00 Luxury-Hogansen, II. Korrika solidarioa. (4.500 metroko ibilbidea, 14 urtetik gorakoentzat)
12:00 Umeen lasterketa (1.000 metro)
12:00 Dantza animazioa, Andra Marin
13:00 Tortila txapelketako tortilen aurkezpena Luxury-Hogansen (Kaitanaren atzeko aldean). 13:30ean, sari banaketa.
16:30 Irrati kontrol erakusketa eta lasterketak, Luxury-Hogans plazan.
18:00 Gurutze Gorriak lehen sorospenetarako erakusketa eta tailerra, Luxury-Hogans plazan.
18:00 Begira antzerkia, pailazoak, Andra Mari plazan.
19:30 Topagune Music Fest jaialdiren jarraipena, Luxury-Hogans plazan.
23:00 Topagune Music Fest jaialdiko sari banaketa. 23:15ean, jaialdiko irabazleen kontzertua.
Apirilak 26, domeka
10:00etatik 15:00etara Azoka solidarioa. Herriko dendek euren eskaintzarik onenak izango dituzte (Luxury-Hogans plazan)
12:00 Herri kirolak, Andra Mari plazan.
16:00etatik 19:00etara, Umearen Eguna, plaza bietan: puzgarriak, jolasak, margoak eta tailerrak.
19:30 Txokolatada eta jaien amaiera.