Ikasturte honetan herritar askoren konplizitateak eta borondateak ehuntzen jarraitzea da helburua. Ideia hori honela gauzatuko da: Euskal Herri osoko dinamiken artean oihalak banatuko dituzte; oihal bakoitzean hogei lagunek eraikitzeko eskubidearen aldeko mezu bat idatzi edo atxikimendua adierazi ahalko dute. Gero, oihalak bata besteagaz jostea da asmoa. Oihal guztiak ekainaren 20an hiriburuetan egingo diren ekitaldietan erabiliko dituzte, hautetsontzi erraldoiak eraikitzeko.
Zornotzako aurkezpenean herriko hainbat pertsona ezagunek oihalen josketa irudikatuko dute: adibidez, Iñaki Iza pilotariak, Iraia Garcia korrikalariak eta Jabi Renobales aktoreak.