Bihar, 10:40an, Bide berriak: elikadura Euskal Herrian dokumentaleko zuzendari Maritxu Arroyok dokumentalaren gaineko nondik norakoak azalduko ditu. Ondoren, 11:00etan dokumentala ikusteko aukera egongo da. Dokumentalaren bidez, Euskal Herrian dagoen eredu agroindustrialak maila sozialean, ekonomian zein ingurumenean eragiten dituen ondorioak erakutsi nahi dituzte. Horren aurrean, dokumentalak bertako nahiz munduko nekazaritza sektoretik eraikitzen dabiltzan alternatiba nabarmentzen du: elikadura burujabea. Azkenik, 12:00etan eztabaidarako tartea irekiko dute.