Zapatuan, 12:00etan, gaztetxoentzako ipuin kontalari saioa izango da Luis Urrengoetxea kaleko parkean, Irrien Lagunak klubeko Marikalanbreren eskutik. Ondoren, 13:00etan, Euskorleans Dixie Band taldeak abesti ezagunen jazz bertsioak eskainiko ditu Tomasa taberna paretik abiatuko den kalejiran. 15:00etan, herri bazkarian batuko dira Propi jatetxean. Bazkaritarako txartelak Tomasan eta Urtzan eskuratu daitezke gaur iluntzera arte. Bazkalostean, 17:00 inguruan, Arratiako Jokaldi taldeak erromeria eskainiko du. Urteurren jaiari perkusioa, musika eta kale antzerkia uztartzen dituen Psycho-Clown ikuskizunak emango dio amaiera; 20:00etan abiatuko da Luis Urrengoetxeako parketik.
Nañon 2004an sortu zuten, euskararen erabilera bultzatzeko eta herrian sare euskalduna eratzeko helburuz. Gaur egun, 50 bazkide inguru ditu. Euskararen erabilera sustatzeko hainbat ekintza garatzen ditu urtero, herriko askotariko elkarte eta eragileekin batera; esaterako, Euskaraz bizi gura dot herri lasterketa.