anboto.org

Luis Urrengoetxea Zornotzako alkate izana gogoratuko dute asteburuan

  Herririk herri  Zornotza

Aurten 100 urte bete dira Luis Urrengoetxea Zornotzako alkate izendatu zutela. 1914 eta 1916 urteen artean lehen alkate abertzalea izan zen. Efemeride hori gogoratzeko, Armendola elkarteak hitzaldi bat eta gomuta ekitaldi bat antolatu ditu barikurako eta zapaturako.


Barikuan, 19:30ean, Eusko Jaurlaritzako bozeramaile Josu Erkorekak hitzaldia eskainiko du Zelaieta zentroan, udaletako legeei buruz. Zapatuan, goizeko 11:30ean, Andoni Ortuzar Euzkadi Buru Batzarreko presidenteak eta Itxaso Atutxa Bizkai Buru Batzarreko presidenteak demokraziako EAJko zinegotziak gogoratuko dituzte herriko plazan egingo duten ekitaldian.

Luis Urrengoetxea Bilbon jaio zen, baina bere senitartekoak Zornotza, Ibarruri eta Etxanokoak izan ziren. Abokatua eta landa-finka askoren jabeduna izan zen, eta eragin handiko gizona Durangaldean. 1914-1916 urteen artean Zornotzako alkatea izan ostean, hurrengo urte biak Bizkaiko Foru Aldundian eman zituen.

Ezkerreko lehen alderdia izan zen Eusko Abertzale Ekintzako sortzaileetako bat izan zen eta 1930ean Bergaran egindako batzarrean parte hartu zuen. Zornotzan zuten familia etxeak —Larrea konbentutik gertu dago— ANVren kideak hartu zituen Gerra Zibilean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa