Partiduko hasierako txanpan Amorebietak aukera on bat izan zuen Asierren hanketan, baina ez zuen asmatu. Handik aurrera Oviedo jokoan nagusitzen joan zen. Asturiarrek 15. minutuan sartu zuten kanporaketako lehen gola; bigarren zatian etorri ziren beste hirurak. Partidu bakarreko kanporaketa izan denez, atzoko porrotak Errege Kopatik kanpora utzi du Amorebieta.
Aurrerantzean ligan zentratuto da Josué Atelak zuzentzen duen taldea. Zapatuan, 16:00etan, etxean jokatuko du Barakaldoren aurka. Bigarren B Mailan orain arte jokatu diren jardunaldi bietan porrot eta garaipen bana izan ditu Amorebietak. Lehen jardunaldian 4-0 galdu zuen Lezaman Athletic Bren aurka eta joan zen asteburuan denboraldiko lehen garaipena lortu zuen etxean Huesca menderatuta: 2-1. Barakaldok orain arteko partidu biak irabazi ditu.