Asturiasetik etorritako Gaites Guestia taldearen gaita doinuek emango diote hasiera kultur trukeari, 13:00etan, Zelaieta parkean. Hurrengo ekintza biak Zelaieta zentroan izango dira. Lehenengo, 17:30etik aurrera, Asturiasko hizkuntza normalizarioa zer egoeratan dagoen azalduko du Pablo Suarezek, Sagardoaren eskualdeko Amankomunazgoko hizkuntza normalizaziorako zerbitzuaren arduradunak. Ondoren, 18:30ean, Efren Alvarezen Suena’l Camin izeneko dokumentala ikusteko aukera egongo da.
Musikagaz esango diote agur egunari Zelaieta parkean. 21:00etan, Asturiasko Vrienden folk taldearen doinuek dantzarako gonbita egingo dute, eta, 22:30ean, Eromen talde zornotzarrak erromeria eskainiko du.
Asturiasen “oso harrera ona”
Orain hiru aste Asturiasko Pobla de Llena herrira egindako bisitan “oso harrrea ona” egin zietela gogoratu du David Murillo Zornotzako Gazte Informazioko bulego arduradunak: “Hurrengo urtean berriro ere errepikatzeko moduko egonaldia izan zen”.