Euskara ikastaroak diruz lagunduko dituzte Zaldibarren

Urriaren 31ra arteko epea izango dute horretarako. Eskatzaileek Zaldibarren erroldatuta egon beharko dute eta homologatutako ikastaroak izan beharko dituzte eginda. Era berean, % 80ko gutxieneko asistentzia egiaztatu beharko dute. Zaldibarko Udalak trinkotasun txikiko zein trinkotasun handiko ikastaroak lagunduko ditu, baita autoikaskuntza ikastaroak ere. Diru laguntzen zenbatekoak honako hauek izango dira: matrikularen % 75 estaliko dute asistentzia % 80-90 artekoa den kasuetan; matrikularen % 90 asistentzia % 90 den kasuetan, eta ikastaroaren % 100 asistentzia erabatekoa denean. Trinkotasun handiko ikastaroetan, kostuaren erdiaz arduratuko da udala. Autoikaskuntza kasuetan, 600 euroko laguntza emango dute gehienez.