EH Bildu "kezkatuta" agertu da udan azpiegiturak garbitzerakoan irizpide desberdinak jarraitzen dituztelako. "Une honetan funtsezkoa da instalazioen garbiketa areagotzea, eta herritarrei instalazio horien erabilera seguruari buruzko informazioa ematea beraien lasaitasunerako. Gobernu taldeak norabide horretan hartutako neurriek EH Bilduren babesa edukiko dute" azaldu du Carmen Sampedro zinegotzi independentistak.
Udal liburutegia, Olazarreko lokalak, liburutegi zaharra, ikasketa gela edo Solobarriako lokalak jarri dituzte adibide bezala. Uztailean egindako batzordeetan ere eskatu zuen EH Bilduk garbiketa indartzeko.