"Zaldibarko zabortegiak hartzen zituen hondakin ez-arriskutsuak jasotzeko eskatzen da lankidetza hori. Hondakinak enpresa eta kudeatzaile pribatu eta publikoenak ziren. Horrela, material horiek metatzeak ahalik eta gutxien eragingo die enpresa horien ohiko funtzionamenduari, baita ingurumenari ere", gaineratu dute oharrean.
Azaldu dutenez, Ingurumen sailburuordeak sinatutako ebazpen horretan, zabortegien titularrei jakinarazten die ingurumen-administrazioak, ebazpen arrazoitu bidez, "beharrezkotzat jotzen diren premiazko neurriak hartu ahal izango dituela azpiegitura horiek aipatutako hondakinak jaso ditzaten, beharrezkoa izanez gero".