Herriko hainbat emakumek bultzatu dute jaiei begira eraso sexisten kontrako protokoloa eratzea, eta eskualdeko beste herri batzuetan martxan jarri izan dituzten gidak oinarritzat hartuz osatu dute Zaldibarkoa. Astelehenean herriko tabernariei eta elkarteetako ordezkariei aurkeztu zieten gida hori, eta azaldu dutenez, tabernetan, txosnetan eta udaletxean egongo da protokoloa eskuragai.
Besteak beste, erasoa jasan edo haren lekuko izan ezkero berau salatu eta biktimari dagokion arreta eskaintzeko jarraibideak ematen ditu protokolo horrek. Erasoa jasaten duen emakumea lagundu eta babesteko gomendioak jasotzen ditu. Bestalde, jaietan erasoren bat gertatuko balitz berau gaitzesteko mobilizaziorako deia egitea aurreikusten du protokoloak.