"Hemen gaudenok argi daukagu Euskal Herriak garai berriak bizi dituela", adierazi zuten, eta erabakitzeko eskubiderekiko atxikimenduak elkartzen dituela azpimarratu zuten. "Norberak etorkizunari begira proposa ditzakeen proiektuetatik haratago", azpimarratu zuten, "posiblea, beharrezkoa, egokia eta zilegia" erabakitzeko eskubidea gauzatzea.
Zaldibartar guztiak deitu dituzte domekan herri-galdeketan parte hartzera. "Herri gisa geure etorkizuna erabakitzeko eskubidea dugulako eta erabakia hartzea herritarroi dagokigulako".