Matematika Txokoa taldeko lau matematikari gazteren ekimena da Matematika Jolasen tailerra, eta zientzia horrekiko beraien pasioa ume eta gazteei transmititzea dute helburu. “Topiko faltsuak eraitsi eta ezagutza matematikoa eraikitzea da gure asmoa, ahalik eta modu sinple, erakargarri eta matematikoenean” diote gazteek.
Besteak beste, mosaikoak, kriptografiak eta poliedroak egingo dituzte Zaldibarko liburutegiko saioetan, eta jolas geometrikoetan eta mapak koloreztatzen ere ibiliko dira.