Andoni Mesa herriko ostalaria da ekimenaren bultzatzaileetako bat, eta azaldu duenez, "hiru orduan banatuta zeuden herritarrek tonbolarako emandako 826 artikuluak". Zapatuan, egun osoan zehar askotariko ekintzak izan ziren Zaldibarren, eta antolatzaileek nabarmendu dutenez, jende askok parte hartu zuen kirol zein kultur arloko ekintzetan.
Mesak aurreratu duenez, herriko elkarteen parte hartzeagaz eraturiko egutegia hainbat lekutan dago oraindik salgai, eta urtarrilean jakingo dute egutegien salmentatik zenbat diru bildu duten haurren minbiziaren ikerkuntzan laguntzeko.
