Jaien lehenengo egun honen ostean, beste hiru egunetarako denetariko proposamenak dakartza San Andres jaien egitarauak. Gaztetxean bazkari herrikoian elkartuko dira, esaterako, bihar; eta kiroldegian goizez zein arratsaldez ipiniko duten parkean jolasean dabiltzan umeei txokolate-jana eskainiko diete, 17:00etan. Azken urteetan ohitura bilakatu diren bi ekintza izango dira, bestalde, domekan: Neguko Azoka goizean eta Euskal Herriko Trikitilari Gazteen XXV. txapelketa arratsaldean.