Hamabost egunean milatik gora errifa saldu dituzte. Taldekideek aurreratu dutenez, haurren minbiziaren ikerkuntzari begira dirua biltzeko egingo dute zozketa, abenduaren 17an, Zaldibarren egingo duten tonbola solidarioan. Egun horretara arte, Rakel dendako erakusleihoan egongo da ikusgai hari beltzezko xala.
Bego Oiarbide irakasle bermeotarragaz barikuro elkartzen dira Zaldibarko Enkajerak, ehoziri-lana egiten ikasteko. Tonbola solidarioan zotz egingo duten xalak “artisau-lan gisa” daukan “balio itzela” nabarmendu du Oiarbide irakasleak: 336 ordu baino gehiagoko lanaren emaitza da. Ekainean hasi ziren xala egiten: bakoitzak tira bat osatu du, eta elkar josi dituzte gero.