ETB-1eko saioaren grabazio taldekoak urriaren 30ean egon ziren Zaldibarren, programa grabatzen. Programaren ekoizleek aurreratu dutenez, grabatutako atala urte honen amaieran edo hurrengoaren hasieran emitituko dute.
Grabazio egunean, besteak beste, Garitazelaia baserria bisitatu zuten. Horrez gain, hainbat zaldibartar elkarrizketatu zituzten Zuhaitz Gurrutxaga eta Mikel Pagadi aurkezleek: errekortari gazte bat, biluzik egutegi solidario bat egin zuten talde bat zein harategian Urtainen argazki bat daukan harakin bat.