Urriaren 1ean hasi eta ekainaren 17an amaituko da Zapatublai-ren ikasturtea. Aurreko urteetan bezala, hamabostean behin —zapatu arratsaldetan, hiru orduz— elkartuko dira bertan izena ematen duten umeak. Haur Hezkuntzakoen eta Lehen Hezkuntzako lehenengo zein bigarren ziklokokoen taldeak osatuko dituzte.
Gaztelekua ere martxan
Irailaren 16an abiatuko dute Gaztelekuan ere ikasturtea. Olazar futbol zelai zaharrean dago Gaztelekua, eta aisialdia partekatzen dute, bertan, 12 eta 16 urteko gazteek, asteburuetan. Bariku, zapatu eta domeketan, 17:00etatik 20:30era egoten da Gaztelekua zabalik, eta askotariko ekintzak egiten dituzte bertan. Zapatublai ekimenean bezala, euskaraz jardutea da Gaztelekuko arau nagusienetako bat.