Arantza Baigorri Zaldibarko alkateak adierazi duenez, datorren astean hasiko dute obra, eta bi hilabeteko epea izango dute lanak amaitzeko. Obrak futbol-zelaiko jardunean eraginik izango ez duela azpimarratu du udalak.
Zaldibarko Udala 145.000 eurogaz indemnizatu dute Solobarria eraiki zutenek. Ekainean eman zuen udal gobernuak albistea: kalte-ordain horregaz, obra gauzatu zutenek “gaizki egindako guztiak konponduko” zituztela aurreratu zuten. Besteak beste, 2008an inauguratu zuten futbol-zelaiaren isolamendua hobetuko dute hezetasunagaz dauden arazoak konpontzeko asmoz.