Danbor askoren danbatekoak erritmo berean eramateak entsegu asko eskatzen ditu. Iaz hiru-lau oinarrizko danbor erritmogaz bideoak osatu, eta herritarren artean banatu zituzten. Ondoren, deialdi bi egin zituzten entsegu orokorrak egiteko. Aurten eredu berdina erabiliko dute. Pasadan eguenean batu ziren, lehenengoz, eta gaurko herri batukadaren aurretik beste behin ere batu dira. Iazko lehenengo aldiko jende kopurua handitzea dute helburu.
Kontzertuak gauean
Gaur, uztailaren 7an, bestelako musika doinuak ere izango dira. Herri afariaren ostean, rock musika nagusituko da txosnagunean Nevadah, Zain eta The Crazy Wheels taldeen eskutik.