Orain arte, herriko dendetan jaioberrientzat erositako produktuen gastuaren zenbatekoa bueltatu die udalak eskatzaileei, diru-laguntza horren bidez. Arantza Baigorri alkateak azaldu duenez, “gastua egin ostean, fakturak aurkeztu behar dituzte, eta hain justu ere, erosteko ahalmenik ez dutenak, beharrizan handiena dutenak, geratu izan dira inoiz udalaren babesetik kanpo”. Familia horiek ere, gainontzekoek bezala, euren errentaren arabera, 400, 500 edo 600 euroko diru-laguntza jasoko dutela bermatu gura du Udalak.