2010. urtean Zaldibarko Udalak emandako aginduaren kontrako errekurtsoa aurkeztu, eta eraikina erortzeko zorian zegoela adieraztea eskatu zuen jabeak, 2012an.
Eraikina ez dagoela hondamen egoeran, eta jabeak bere betebeharrak dituela defendatu du, sei urtez, Zaldibarko Udalak. Ahotan darabilguna bezalako kasuetan, jabeek sarritan eraikinak bertan behera utzi eta hondamen deklarazioa lortu ostean, “zaharra eraitsi eta etxe berria eginez espekulatu” egiten dutela azpimarratu du EH Bilduko udal gobernuak. Horregatik uste du oso inportantea dela sententzia hau, “lehenengo aldia delako horrelako kasu batean udalari arrazoia ematen zaiona”.
Bere abokatuarekin hitz egin arte ez duela ezelako adierazpenik egingo adierazi dio zinegotzi ohiak ANBOTOri.