Zaldibarko Udalak 2015. urtean izan duen aurrekontu osoa 2.800.000 eurokoa dela kontuan hartuta, kopuru handia da ahotan darabilguna. Baita, kontuan hartzen badugu urte honetarako aurreikusitako inbertsiorik handiena (psikiatrikoko lursailaren zati bat herrira zabaltzea) 112.000 eurokoa izatea aurreikusita dutelako.
Soberakinaren erdia ezin izango dute beraz, inbertsioetarako erabili. "Zaldibarren aurrekontua ez da oso handia, sarrera gutxi dauzkagu, eta zerbitzu asko ditugu ordaintzeko", dio Arantza Baigorri alkateak. "Proiektu handiei ezin diegu aurre egin nahi genukeen bezala: tentuz handiz ibiltzen gara gastu bakoitzagaz".