Zaharkituriko argiteria sistema LED sistemagatik aldatuta, Udalak telegestio bitartez kontrolatuko du kaleko argiaren intentsitatea; beharrizanaren arabera, argiaren intentsitatea gehitu edo gutxituz.
Gobernu taldeak jakitera eman duenez, Autonomia, Askorra, Bekoetxe, Bolatoki, Euskal Herria, Garitaerri, Olazar, San Martin, Zaldusolo, Zubiaurre eta eskolaren inguruan egingo dituzte datozen asteetan, lanak.
Iaz hasi ziren Zaldibarren kaleko argiterian hobekuntzak egiten; udalak argindar konpainiekin dituen kontratuak aztertu eta hobetu ostean, 32.000 euro aurreztu zituen Zaldibarko Udalak. Horren ostean, 165 farola aldatu zituzten.
Gobernu taldearen aurreikuspena da, aurrerago burutuko duten beste fase bategaz, Zaldibarko luminaria guztiak aldatzea.