Udal liburutegiak eta Ilargi elkarteak bultzaturiko ekimena da lehiaketa, eta 100 euroko bi sari emango dituzte: bata, selfie-rik onenari, eta, bestea, liburutegiekin lotura duen argazkirik onenari.
JPEG formatuan aurkeztu beharko dira koloretako zein zuri-beltzeko argazkiak. Irailaren 15era arte bidali ahalko dira argazkiak liburutegia@zaldibar.org helbide elektronikora edo 688 630 885 Whatsapp zenbakira. Egilearen izen-abizenak, telefono zenbakia, argazkiaren izenburua eta argazkia egin den tokia zein diren zehaztu beharko da.
Ilargi argazki taldeko kideek osaturiko epaimahaiak erabakiko du 100 euroko sari biak nori eman.