Homofobiaren eta transfobiaren kontrako horma irudia egingo dute

Anboto 2015ko mai. 16a, 11:01
Deskargatu Info Ahotsak :

Domekan, maiatzaren 17an, Homofobiaren eta Transfobiaren Kontrako Nazioarteko Egunagaz bat egiteko, horma-irudi baten margoketan parte hartzeko deialdia luzatu die Zaldibarko Udalak herritarrei. Domekan, 12:00etan, Agirre Lehendakaria parkean ipini dute horma-irudia margotzen hasteko hitzordua.


Udaleko Berdintasun Sailaren ekimenez, lehenengoz antolatu dute Homofobiaren eta Transfobiaren Kontrako Nazioarteko Egunagaz bat egiteko ekimen bat Zaldibarren.

Agirre Lehendakariaren parkeko horma-irudiaren margoketaz gainera, Zaldibarko liburutegian homofobiaren eta transfobiaren kontrako irakurgaiak ipini dituzte.

Herririk herri Zaldibar
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!